Gaza bado kwa moto

Mkataba wa muda,umesitisha vita Gaza ndani ya saa tano

Baada ya mapigano makali yaliyofanyika  mfululizo siku tano zilizopita Palestina,Hamas,na Israel zimeamua kusitisha mapigano baada ya makubaliano waliyokubaliana juu ya kusitisha mapigano makali katika ukanda wa Gaza.

Licha ya taarifa zilizotolewa jana na Israel ikiwataka wakazi wa gaza kuhama makazi yao haraka kutokana na mashambulizi watakayo yafanya imekubali kusitisha mashambulizi hayo kwa muda wa saa tano kutokana na ombi lililotoka umoja wa mataifa

Shambulizi lilofanywa na Israel jana ukanda wa Gaza

Umoja wa mataifa uliomba jeshi la Israel isitishe mashambulizi kwa muda wa saa tano kati ya saa nne asubuhi  hadi saa tisa mchana ili wananchi wanaokaa Gaza wapate nafasi ya kupata huduma mbali mbali ikiwa pamoja na kupata chakula.

Kwa upande wa Hamas msemaji wao  mkuu Sami Abu Zukhri amethibitisha kuwa na wao watasitisha mashambulizi ya roketi dhidi ya Israel  wakati huo.Kutokana na makubaliano hayo toka pande hizo mbili wameamua kusitisha mashambulizi pande zote mbili ili kuruhusu wananchi wa Gaza wapate nafasi ya kutafuta vyakula na hudumna nyinginezo.

Msemaji wa shirika la umoja wa mataifa linalowasaidia wakimbizi wa Palestina Christopher Gunnes amesema kuwa anamatumaini kwamba kutokana na saa tano walizokubaliana kusitisha mashambulizi itasaidia wakimbizi hao kupata fursa ya kusuluhisha matatizo yanayoikabili Gaza.

Jana watoto wanne wa kipalestina kutoka familia moja walipoteza maisha kutokana na shambulizi la mizinga lililofanywa na Israel watoto hao walipatwa na umauti wakati wakicheza katika ufuo wa bahari huko Gaza,kitendo hiki kilizidi kuongeza jazba kwa wapalestina.

Mama wa watoto wanne waliokufa jana kutokana na shambulizi la mizinga liliofanya na Israel katika ufuo wa Gaza akiomboleza.

Kutokana na mkasa huo wa Israel kuwaua watoto wasio na hatia,Israel ilijitetea na kudai kuwa hawakuwa na lengo la kuua watoto hao nia yao ilikuwa ni kuendeleza mashambulizi kwa wapiganaji wa Hamas hivyo basi vifo vya watoto hao vilitokana na mkasa mkubwa wa mapigano hayo.

Hadi sasa Israel imesababisha vifo vya mamia ya wapalestina ndani ya siku tano mfululizo,licha ya mazungumzo yanayoendelea ya kuleta  amani gaza bado viongozi wa Hamas hawaamini kama Israel itasitisha mashambulizi kauli hiyo ilisemwa na msemaji wa Hamas Osama Hamdan.

wapalestina walionusurika baada ya shambulizi la mizinga toka israel jana

Rais wa Marekani Barrack Obama amezidi kuiunga mkono Israel na kusema kuwa Israel ina haki ya kujilinda.

Licha ya makubaliano hayo ya kusitisha mashambulizi baina ya pande mbili hizo,Hamas bado haijaridhia makubaliano hayo sababu hoja zao hazijatiliwa maanani hadi sasa.