Nani ataikomesha Boko?

Hadi sasa maelfu ya watu nchini Nigeria wamepoteza maisha huku wengi wao wakibaki hawana makazi ya kudumu wakati wengine wakipata hasara kutokana na uharibifu wa mali zao.

Nyumba iliyoharibiwa na Boko Haram

Janga hili limeletwa na kundi linalofahamika kwa jina la Boko Haram linalotumia itikadi za kidini kuleta mapambano zidi ya serikali ya Goodluck Jonathan,kundi hilo linaishinikiza serikali ya Rais Goodluck Jonathan kuwaachilia huru wafuasi wao ambao walikamatwa na jeshi la polisi nchini humo.

Viongozi wa Boko Haram

Licha ya watu waliopoteza maisha kutokana na milipuko mbali mbali iliyotokea na utekwaji nyara wa wasichana 200 wa shule ya Chibok Girls  nchini humo bado jamii inahuzuni kubwa sababu hadi sasa haijatambua hatima ya kundi hilo.

Viongozi wa dini ya kiislam nchini Nigeria bado wanapinga vikali kauli inayotolewa na baadhi ya wananchi wa Nigeria kwamba kundi hilo linavuruga amani kwa sababu za kidini,viongozi hao wamedai kuwa hakuna dini inayoruhusu kuanzisha vita visivyo na sababu za msingi.

Hivyo basi kundi hilo liache kuchanganya dini na mambo wanayoyafanya sababu hata viongozi wa dini ya kiislam nchini humo hawana mahusiano yoyote na kundi hilo.

Kwa mujibu wa vyombo vya habari nchini Nigeria vimedai kuwa kundi hilo liliundwa rasmi mwaka 2002,lengo la kundi hilo ni kupinga elimu ya kimagharibi.Lilianza kufanya mashambulizi mwaka 2009.

Kundi hilo limepelekea maelfu ya wanigeria kupoteza maisha kaskazini mashariki mwa Nigeria,licha ya vifo hivyo kundi hilo lilifanya mashambulizi makao makuu ya UN mjini Abuja na kusababisha takribani watu milioni 3 kuathirika.

Mali zilizoharibiwa na Boko Haram

Kundi hilo lilitanganzwa rasmi kuwa ni la kigaidi na nchi ya Marekani mwaka 2013  

Shirika la kimataifa linalo tetea haki za binadamu Human Rights Watch linasema kuwa zaidi ya raia 2,000 wameuawa nchini Nigeria mwaka huu na wapiganaji wa kundi la Boko Haram.

Kwa mujibu wa shirika hilo vifo hivyo vimetokea katika mashambulizi 95 tofauti katika miji zaidi ya 70 pamoja na vijiji vilivyopo mashariki mwa taifa hilo.

Bado maswali yanazidi kuzuka juu ya mfadhili wa kundi hili haramu sababu mambo wanayoyafanya si rahisi kwa wao wenyewe kufanya sababu hawana uwezo wa kutosha kiuchumi kununua silaha na kujenga maficho ambayo serikali imeshindwa kutambua kwa haraka.