Nigeria mambo magumu,Boko Haram wamezidi kutikisa

Rais Goodluck Jonathan aomba msaadawa bilioni moja ili kununua vifaa vya kuikabili Boko Haram

Serikali ya Nigeria imeomba msaada wa bilioni moja ili kukabiliana na wanamgambo wa Boko Haram ambao wamesababisha janga kubwa katika Taifa hilo mwaka huu.

Rais Jonathan alituma barua katika bunge la seneti ili kuidhinisha ombi hilo ambalo litasaidia kuimarisha vifaa vya kijeshi.

Watu zaidi ya 2,000 wamepoteza maisha na damu nyingi imemwagika kutokana na mashambulizi yaliyosababishwa na kundi hilo,Rais Goodluck Jonathan amezidi kupewa shinikizo ili atafute suluhu ya kundi hilo kutokana na uharibifu unaoendelea kufanywa na Boko Haram.

Baadhi ya wanamgambo wa kundi la Boko Haram linaloitikisa nchi ya Nigeria

Jeshi la Nigeria lina upungufu mkubwa wa vifaa vya kijeshi  ambavyo vingeweza kusaidia kupambana na wanamgambo hao,ingawa jeshi hilo halijatoa tamko rasmi kama lina upungufu wa vifaa hali harisi inaonyesha dhahiri kwamba inahitajika msaada mkubwa wa vifaa ili kukabiliana na wanamgambo wa Boko Haram.

Rais Goodluck Jonatha alidai kuwa kuna umuhimu wa kuliongezea jeshi hilo vifaa vya kivita ili liweze kukabiliana na kundi la Boko Haram,kundi hilo hivi karibu lilitoa tishio kwa serikali ya Jonathan na kusema kuwa lipo njiani kuandaa mashambulizi mengine.

Wananchi wengi walitoa hoja zao pamoja na maoni baada ya serikali kutoa tamko kwamba kuna upungufu wa vifaa wengi wao walisema kwamba jeshi hilo limezidi kutumia vibaya rasilimali zilizopo ikiwemo na vifaa vya kivita.