Tunisia yaomboleza siku tatu kutokana na mauaji ya wanajeshi wake 14

Tunisia imesema kuwa takribani wanajeshi 14 wameuawa na wengine 20 wamejeruhiwa katika shambulizi la wanamgambo karibu na mpaka wa Algeria.

Wanajeshi wa Tunisia

Mashambulizi hayo yalifanywa na kundi la Okba Ben Nafaa Brigade ambalo linasadikika kuwa na uhusiano wa karibu na kundi la Al-Qaeda,kundi hilo lilifanya mashambulizi wakati wa mgharibi ambapo wanajeshi hao walikuwa wanafuturu.

Jeshi la Tunisia limekuwa likitekeleza oparesheni yake katika eneo hilo ili kujaribu kuwatimua wanamgambo wanaojificha katika eneo hilo,toka mwaka jana nchi ya Tunisia ilianza kuweka jeshi lake katika mlima huo ili kuwazuia wanamgambo wasiweke kambi.

Serikali ya Tunisia imetangaza siku tatu mfululizo za maombolezo kuanzia leo ,matukio kadhaa kama haya yalisha wahi kutokea mwaka 2013

ambapo wanajeshi nane walipoteza maisha kutokana na mashambulizi